植睫毛初體驗～Xtreme Lashes美睫專門店💓

平日嘅我通常鍾意都偏向鍾意淡淡既自然妝容，眼妝方面搽下眼影、畫下眼線就覺得好夠啦💓

但係有時出席重要場合，例如event或者modelling job嘅話，幫眼睫毛扮埋靚真係會令到眼睛更大同明亮有神㗎！可惜我天生油眼， 就算用咗防水嘅睫毛膏，都總係會有少少眼睫毛液印/甩到到落眼袋變成熊貓眼🐼；然後返屋企卸妝嘅時候又要花時間將佢哋徹底卸除，過程少不免會甩埋眼睫毛，而我本身睫毛唔算多所以零舍心痛！😭假眼睫毛好似比較方便，但係出到街甩膠水情況又同樣令人尷尬🤷🏻‍♀️，所以....眼睫毛睫既化妝我已經放棄咗好耐😆！

最近終於鼓起勇氣第一次植眼睫毛，想揀比較好少少品質既，最後睇中屬於美式植睫毛既Xtreme Lashes，行高檔尊貴路線既佢哋無論用料、技術同埋服務都係業內水平最高嘅！重點係我見睇佢哋IG嘅客人相片啲眼睫毛都好自然唔會太浮誇，適合我嘅美妝風格💕預約咗去咗中環威靈頓街既Xtreme Lashes ，佢哋既裝修都好高貴有格調，仲帶一點神秘感😎

首先美睫師就為我做咗個詳細嘅評估，然後為我介紹植睫毛既既做法，佢哋所採用既睫毛接駁膠水係專利醫療等級的 FlexFusion®️ 唔傷真眼睫毛之餘仲比一般膠水刺激性低！配合 Rapid Cure Technology™️ 技術，張合成睫毛一條一條咁接駁在客人既天然睫毛上，而每一條會保留大約1mm，減低合成睫毛碰倒眼皮帶來的不適，每邊眼睛合共會駁上70至120絛合成睫毛。視乎睫毛接駁的數量多少，而每條合成睫毛的尖端都會收細，而底部則厚實，並且自然捲曲如真的睫毛一樣。整個程序會由持有證書、並受過 Xtreme Lashes 嚴格兼全面訓練既專業美睫師負責，而Xtreme Lashes 的訓練課程是業界中水平最高既！

之後就到咗揀款式嘅時間啦，原來都有多款唔同嘅厚度、弧度、長度及顏色都可以揀！選擇困難症嘅我最後都係交俾美睫師幫我度身訂造適合我面形同眼形既款式😝

入到房間，一開始美睫師幫我清潔眼部，然後幫我敷上眼膜，就開始植睫毛既程序，歷時大約90分鐘左右，講真😛真係舒服到瞓着咗，技術超高！然後一打開眼就見到自己擁有靚到好似洋娃娃咁樣嘅捲撓眼睫毛，效果自然都好似用咗睫毛膏咁，唔浮誇而且好輕身，完全唔覺得自己植咗眼睫毛，真係好開心😍

溫柔細心既美睫師仲送咗以下護理小錦囊俾我添！跟住做就可以Keep住擁有咁靚既眼睫毛啦。
💓完成植睫後頭6小時盡量唔好濕水
💓使用落妝水代替油性卸妝產品卸除眼部化妝
💓睫毛亂了可以使用附送的睫毛梳輕輕梳理
💓避免捽眼或大力拉扯眼部皮膚
💓約每3-4星期後看情況修補

喺化妝間整理髮型嘅時候，佢哋仲準備咗糖水比我潤下喉，真係覺得好窩心又尊貴呀！💕

原來Xtreme Lashes 仲有一系列嘅護睫產品，例如卸妝水、睫毛精華等等....




依家每日起瞓醒照鏡都見到咁靚既眼睫毛，眼神都特別BLING BLING，出門化妝嘅時間都快左好多呀！😎

我仲幫大家爭取到讀者優惠，只要話係Cherrie Chung小蘭介紹，植一次睫毛就可以享有免費補一次睫毛服務（價值$500），收費表如下；

品牌簡介：Xtreme Lashes 於2005年誕生，亦是全球美睫品牌中最専貴的美睫品牌，每位美睫師均獲專業認可， 提供最優質服務。在美加訓練的睫毛stylist 合共20,000人，分店遍佈世界40個國家。

如欲進一步瞭解 Xtreme Lashes，請瀏覽 http://www.xtremelashes.com.hk/

我最愛既粉紅色💕Lancôme Glow'n'Roses系列💕

🌞炎炎夏日，少不免會經常出入冷氣地方，皮膚都可能會因為溫差既問題而導致缺水、乾紋甚至敏感...所以選啱既護膚產品都非常之重要！最近知道Lancôme新推出王牌-Glow'n'Roses系列，作為用家既我當然要去體驗一下啦！💕

Glow'n'Roses顧名思義就係以玫瑰為主要成份，將玫瑰花水加入Glow’n‘Roses護膚程序，利用蒸餾過程萃煉大馬士革玫瑰花瓣的珍貴精華。糅合多種滋潤成分，令肌膚綻放白裡透紅的玫瑰光澤。🌹

💕首先試咗Tonique Confort溫和保濕水，佢可以令肌膚作好準備，以最好狀態迎接後續的護膚程序。配方的秘密在於為肌膚補充水分，令肌膚得到潤澤舒緩，感覺煥然一新。

💕之後同再搽上系列既Hydra Zen份保濕面霜，啫喱質感既佢保濕得黎好清爽，很容易推開及好快就被皮膚吸收，即時感覺皮膚變得柔軟，很適合夏天使用！

💧完美爽膚程序的步驟︰

1/將化妝棉浸滿Tonique Confort溫和保濕水；
2/以化妝棉按摩臉部，直至肌膚完全吸收配方；
3/繼續慣常的護膚程序，如精華、面霜

當然~定期去角質係提昇美肌效果既最佳方法啦！Lancôme推出既Rose Sugar Scrub玫瑰糖粒磨砂霜就係令肌膚即時回復光滑既神器啦。當中蘊含糖顆粒溫熱配方發揮關鍵成效，遇水融化，有效溫和去除死皮煥發健康光澤肌。再用埋Rose Jelly Mask玫瑰啫喱保濕面膜，

凝膠質感既佢可以為肌膚注入源源水分，皮膚吸飽水自然唔化妝都有好氣息，上妝又零舍貼啦！

左：Rose Jelly Mask玫瑰啫喱保濕面膜

右：Rose Sugar Scrub玫瑰糖粒磨砂霜

食個lunch既時間就消滅到手臂拜拜肉？

如果要我揀一個最唔滿意嘅身體部位，我一定係揀手臂💪🏻所以消滅拜拜肉一直係我嘅願望!其實除咗運動之外，HIFU 其實都係一個好而快捷嘅選擇，因為佢既能量能夠深入皮膚筋膜層(SMAS)，將被破壞嘅脂肪細胞同釋出嘅三酸甘油酯等物質，利用淋巴循環系統代謝排出體外！

今次就咗尖沙咀Cell Medical Beauty美容中心，試做「HIFU 極緻纖體提拉療程」，一上到去覺得佢哋嘅裝修比較泰式風格令人心情好放鬆💕

之後纖體顧問就了解返我身邊狀況同介紹今次療，原來Cell Medical Beauty既「HIFU 極緻纖體提拉療程」，係採用韓國第四代正廠HIFU儀器，而且有韓國KFDA及歐盟國家規格CE安全認證既，專利自動精準功能，監控每發輸出的能量，大大提高療程的效用同安全性、緊緻肌膚同時喚醒膠原蛋白增生🤗

今次嘅房間都係令到人有一種好放鬆嘅感覺，首先治療師幫我度咗本身手臂既尺寸，然後就開始係我嘅手臂上面畫好格仔

 之後就幫我搽上冰涼啫喱同開始打Hifu，整個過程都好快而且唔痛，同治療師傾吓計就完成咗啦！重點成個過程一個鐘內就完成，而且唔痛又唔會令到皮膚紅腫，真係食個lunch既時間就可以瘦身！

即時已經見到效果，最多減咗成1.4CM添！😍

換好衫之後，治療師仲準備咗杯薑茶俾我暖身同加速新陳代謝，好窩心呀！

療程後一個月嘅效果，手臂真係比之前firm咗，線條亦都幼細咗😍

如果你都想體驗我呢個「HIFU 極緻纖體提拉療程」，只要click下面條link，喺優惠碼填「HIFUxCherrie」，就可以優惠價$688試做一次，名額30個，先到先得，快啲登記啦！

https://goo.gl/forms/iwS1UBkxUdpFTREm2

Cell Medical Beauty Centre 醫學養生專家
分店地址：
尖沙咀金馬倫道23-25A金馬倫廣場22/F全層 (旗艦店)
銅鑼灣恩平道42號亨利中心27/F全層 (VIP店)

預約電話：
尖沙咀 3488 0868/ 5595 1121
銅鑼灣 2259 9168/ 5595 1131

#cellmedicalcentre醫學養生專家 #細胞自主科技養生
#女星最愛皇牌療程 #hifu #瘦手臂 #拜拜肉 #蝴蝶袖 #減肥原來好易

牙齒護理好重要！全新德國製 Oral-B 牙齦及琺瑯質修護牙膏幫到你！

我承認我係一個好貪靚嘅女仔，所以牙齒護理方面我都會好注重架！

而我同好多男仔都一樣，覺得女仔笑起上嚟嘅時候如果啲牙又黃又唔整齊......印象分真係大打折扣😓其實牙齒最外層嘅琺瑯質係好似玻璃一樣呈透明顏色既，當見到牙齒變得呈不透明既白或者愈來愈黃，好有可能係因為......

1)琺瑯質可能已經開始受損同埋流失！而日常多進食酸性食物同飲品，例如: 橙汁、檸水、紅白/酒、咖啡、醋酸飲品 、汽水等.......就有機會加速琺瑯質既流失，令牙齒表面變軟，使牙齒象牙質外露而出現微黃，甚至變得透明，形成牙齒酸蝕。

2)日常牙齒清潔唔夠徹底，牙菌膜於牙齒表面及牙齦間積聚，有機會導致牙漬、牙肉腫痛或發炎等牙肉問題，即係俗稱嘅牙周病，就好似以下兩張圖咁。

（圖片來自網上）

 3）吸煙，唔單止會有肉酸牙漬， 俗稱煙屎牙，而患上牙周病嘅機會率係正常人嘅五倍添！

所以為咗連牙齒都靚一靚又健康啲，我除咗每年會去牙醫到洗兩次牙做保養之外，平時揀選牙膏方面我都會有啲要求架。

而家我就用緊全新德國製 Oral-B 牙齦及琺瑯質修護牙膏，採用專利 ACTIVREPAIR(TM) 技術，2 週修補琺瑯質並對抗牙齦出血，抑制牙菌膜增長，形成保護層以對抗酸侵，成份安全可靠！

Oral-B 牙齦及琺瑯質修護牙膏(原味: 對抗牙齦出血）

Oral-B 牙齦及琺瑯質修護牙膏(特強清新: 對抗牙齦出血及減少口氣)

Oral-B 牙齦及琺瑯質修護牙膏(輕柔美白：對抗牙齦出血及去除牙漬)


❤️有一排潔白又整齊嘅牙齒真係可以留下好印象，笑既時候都自信啲架，所以我最鍾意輕柔美白系列，佢嘅磨砂粒子好幼細可以有助美白，而且仲有對抗出血，抑制牙菌膜增長既功效，豐富既泡沫帶有少少咸味同清新嘅薄荷味！

最開心係刷完有立即變白嘅效果呀😍以後影相就更加上鏡啦！

我都準備咗少少護齒心德同大家分享，希望大家都有一排潔白又健康既牙齒❤️

🌷因為牙齒接觸酸性物質後會軟化呀！所以餐後 30 分鐘內不要立即刷牙

🌷日常減少飲用茶、咖啡等.....比較深顏色嘅飲品，如無法避免，飲完之後最好用清水漱口

🌷使用飲筒減少酸性飲品對牙齒既直接接觸

🌷注重日常牙齒清潔，多角度將牙齒清潔乾淨

🌷牙縫位置亦要清潔乾淨呀！有需要時可以用牙線幫手

#OralB #OralBHK #牙肉 #琺瑯質 #牙膏 #德國製 #德國雙效修護牙膏 #2 週修補琺瑯質 #對抗牙齦出血

「自我感覺涼爽之慳電四式」💕最愛竟然是 Cuddle Tula？

話說屋企廳部冷氣機壞咗，🤦🏻‍♀️等換部新嘅都要兩個星期，

所以呢段日子真係🌞熱辣辣，過一個真真正正嘅暑假，唯有諗盡方法令到自己涼快啲，

順便教下小朋友點樣慳電環保♻️！

一齊嚟睇吓我嘅「自我感覺涼爽之慳電四式」啦😂

第四式

盡量煮啲製作簡單嘅食物代替熱辣辣嘅三餸一湯，咁就可以降低廚房嘅溫度同受熱既時間， 例如紫菜飯卷係一個好好嘅選擇，一款食物裏面就有齊多種營養，

有澱粉質、蔬菜、肉類仲有蛋白質！有時轉下口味，小朋友胃口又好啲💕

第三式

善用風扇！一部涼爽嘅風扇係屋企唔少得既，而我屋企本身部舊風扇已經壞壞哋

（ 只能單個角度送風)

所以我趁機會即刻飛撲去買部新嘅， 大風又慳電，仲要係靚靚既粉紅色💕值得擁有👍🏻

第二式

適當地脫衣🙈成間屋最怕熱嘅其實係呢兩隻小魔怪，始終小朋友嘅溫度都係比較高，

再加上佢哋冇時停，所以着少啲衫對散熱有助呀，尤其屋企廳冇冷氣，打赤膊都冇所謂啦😝加埋杯凍豆漿，涼爽晒！

第一式

瞓覺改用透氣涼爽既被仔❤️好似呢張Tula被仔嘅質地非常柔滑又舒服，而且係由特製嘅竹纖維織成，輕身得黎又透氣唔會焗，變相冷氣都可以唔使開咁大又環保啲，夏天用就啱晒啦！佢嘅尺寸都好大，可以同小朋友一齊用！
重點～好明顯又係粉紅色😂 仲有我最愛既心形圖案同芭蕾舞元素❤️
邊話話生仔唔可以照用粉紅色呀？👻

平時包包仔入房開冷氣瞓晏覺會用到佢！

而我同哥哥有時入房涼冷氣睇故事書嘅時候都好啱用❤️

唔用既時侯可以摺到好細放入附送嘅精美防塵袋，收納或者帶出街都好方便！

其實之前包包仔初生既時候，我陪月姨姨都有介紹過呢張被(佢上個客人用緊）

話可以當埋BB包被同餵母乳巾好實用，可惜我依家先至遇上佢。。。。。。

所以唯有叫哥哥仔扮BB俾我包下，重溫下初生感覺先（佢好ENJOY）😂

不過呢個香港暫時得1個售賣點，有興趣可以去呢度睇下！

https://wowmom.com.hk

打完呢篇「自我感覺涼爽之慳電四式」之後，最大嘅願望就係快啲整返好廳部冷氣，

過返一個涼浸浸嘅暑假，

始終都係在家千日好，

對嘛😂

小朋友叫極都唔肯沖涼？一枝Babo泡泡浴露就收拾到佢啦！

小朋友最鐘意就係約埋老友們一齊出街玩～

但係而家天氣咁熱，出親街都真係大汗踏細汗，接觸到空氣中嘅細菌分解又會有機會形成臭汗味🤢而且小朋友比較好動，出汗就自然比一般人多！

所以小朋友返到屋企唔肯沖涼真係令大人好頭痕㗎！點解我咁明白？因為我以前都有呢個煩惱😂但係自從上年開始轉咗用咗呢枝Babo燕麥牛奶泡泡浴露之後就解決咗我呢個煩惱啦😎
（分享回顧： http://cherriesiulan.blogspot.com/2017/11/babo.html）

其實燕麥+牛奶呢個組合，除咗食落肚對身體好之外，原來搽上身對護膚都好有功效架，佢既天然燕麥萃取成分可以深層保濕同修護肌膚，而洋甘菊同有機金盞花萃取成份，可以修復皮膚泛紅等等既炎症，而燕麥、牛奶、荷荷芭油可以為皮膚深層保濕同滋養，爆發性紅疹、乾燥或敏感性皮膚都啱用架！

 

Babo燕麥牛奶泡泡浴露係用植物性起泡成份，所以好輕易就可以整到豐富綿密嘅泡泡浴架啦！準備沖涼既時候，只需要喺浴盤到加大約1-2蓋燕麥牛奶泡泡浴露，然後再用花灑撞啲暖水落去就可以見到好似綿花咁輕柔細緻既泡泡，好鍾意呢個過程會令到成個浴室都有一淡淡草本花香味❤️

一邊玩一邊沖涼，最正係唔使再過水，直接抹乾淨身就得啦！有咗呢枝泡泡浴露，以後要小朋友自動入浴室沖涼再不是夢👍🏻再用埋同系列嘅既燕麥牛奶滋潤潤膚霜，滋潤得來好清爽，仲特別適合易敏感及乾燥肌膚既寶寶。（左邊呈乳霜質地比較厚身，適合秋冬乾燥既天氣，右手邊呈乳液狀比較水漾，我鐘意春夏天用）

雖然好幸運地我兩個小朋友本身都冇乜皮膚上嘅問題，屬於白雪雪滑嘟嘟類型😂不過為咗佢哋可以keep住良好皮膚嘅狀態，喺幫佢地揀護膚產品方面我都會傾向一啲比較係天然、保濕、滋潤同抗敏嘅！所以成個Babo燕麥牛奶系列我都好鍾意，我哋用咗呢個系列已經大半年嘅時間啦！絕對係真實用家分享兼私心推薦，到而家哥哥仔同包包仔嘅皮膚依然keep得好柔嫩！

已經收藏喺我屋企既Babo燕麥牛奶家族成員😍

如果你都想試既話可以留意以下銷售點呀！

HKTV MALL
屈臣氏
千色店