韓國Clair空氣淨化機開箱文

☃️❄️踏入冬天又係冷衫、冷帽同埋大褸出動嘅時間啦！

但係每次拎佢哋出黎都覺得好多纖維喺空中飛舞😂兩個小朋友都會打乞嗤同埋捽眼，相信呢啲係佢哋既致敏源🤔上網搵下有咩方案解決（其實就係網上購物既藉口😝）俾我發現到呢部韓國製造兼細細部，啱晒我周圍移動嘅Clair空氣淨化機！！介紹話佢採用最先進和專利技術e2f濾芯，可過濾微粒物小至0.1um，比一般傳統式HEPA濾芯過濾效能更高達99.9%，空氣中的微細污染物如流感病毒、 細菌、 黴菌、真菌、霉菌、致敏原、VOCs（如笨、甲苯、甲醛）、二手煙霧、龐物毛髮等統統都可以過濾！ 😍重點係呢部Clair空氣淨化機係白色襯「粉紅色架」😍😍😍（粉紅控就是醬紫）

由於太靚所以拿拿聲買，點知第二日就送到😍不得不讚友和發貨真係好快手！成部機得一個開關制可以控制三度風力 ，而呢部機最大賣點係所用既e2f 過濾器過濾原理係利用不同極性的分子互相吸引既特性去過濾空氣，吸取帶有 2 極的空氣污染物再透過高分子聚合物合成的樹脂濾芯膜去過濾空氣中既污染物，而可拆式層網及濾膜芯設計仲好方便清潔。
單係"令污染物唔會再次回到室內空氣中。"呢一點已經值得擁有啦！（仲要粉紅色喎！😝）

測試過開到三號最大風都唔會好嘈，而且佢細細部又唔重，所以我平日多數放客廳飯枱

有時又會放喺兒童玩樂區，真係幾方便😎

用咗佢之後小朋友敏感嘅問題都解決咗！依家喺友和電器就可以買到啦，仲係香港行貨添！💕

https://www.yohohongkong.com

🎄預祝大家有個快樂聖誕同新年呀！🎉

決心要同BYE BYE肉說『不』（下集）

上次去完Mama Me之後真係覺得手臂摸落唔同咗同firm咗，所以決定要乘勝追擊😎

 第二次嚟Mama Me，瘦身顧問再次根據上次嘅成效幫我做咗個評估，決定今次除咗做Icoone通淋巴溶脂機

仲會幫我做埋印尼古法更強嘅瘦身效今次佢哋幫我做咗古法紮手！紮肚大家就聽得多啦，其實紮手嘅原理都係一樣， 首先治療師係我手臂嘅位置搽上古法印尼獨門敷料，當中嘅天然成包括大青葉、茴香、乾姜、玉蘭、澱粉，再用有彈性既綿布一圈圈咁樣包着我對肉臂，呢個步驟除咗可以加強消脂仲有效通經絡兼排水，加快新陳代謝㗎！

最後加上Health SPA遠紅外線儀器焗20分鐘，爆汗程度同瘦身效果即時Double up!

由於上次走果陣太興奮忘記影相，所以唯有用返第一次上去做記錄既相做對比

成績都唔錯～心急嘅我已經約定下一次嘅療程啦！

*****************************************************************

​四日之後再次來到Mama me，治療師同瘦身顧問或前兩次嘅消脂效果都唔錯所以，今次繼續用Icoone 通淋巴溶脂機之外，會用DH Hifu黎幫我緊緻同提升手臂線條

有留意開我嘅讀者應該都知道我曾經做高DH Hifu機提升面部輪廓，其實呢部機既原理就係以專利既雙速雙軌輸出模式將超聲波傳送熱力到聚焦點，發放熱能到個別肌腱膜，當肌腱膜受熱就會收縮，達致即時提升輪廓、纖盈塑身效果。所以呢部機係可以收埋手臂💪🏻！

手臂位置出動6.5MM 機頭令效能更強！

治療師先同我搽上麻醉舒緩啫喱然後開始打Hifu, DH Hifu機既雙速雙軌輸出模式真係好正！可縮短療程時間而且照顧範圍更大，令療程所產生既痛感減少達八成，達致「微感覺」，只有近骨既位置先會感覺大啲，有少少痺咋！

話咁快就完成啦！

一共三次嘅療程，左右手臂都瘦咗，尤其右手臂最明顯差唔多有2CM，重點係成個手臂同背形都更靚更有線條啦！你都想Shape靚自己而家機會黎啦，我同大家取到個讀者體驗優惠，只要喺以下網址登記

https://www.mamame.com.hk/4gridplanoffer

優惠碼填[cherriemama] 就可以用超優惠價預約體驗啦！你都快D黎感受下變靚既喜悅啦！

MAMA ME 產前產後護理中心

首間獲ISO9001專業服務及安全質素認證的產前產後及醫學美容中心

地址：九龍尖沙咀廣東道28號力寶太陽廣場510室

電話：+852 2981 3680            WhatsApp：+852 6650 3740

電郵：info@tridacnabeauty.com

決心要同BYE BYE肉說『不』（上集）

我最愛嘅秋冬季節已經嚟到喇！好彩我有兩個衣櫃先至唔使忙住換季咋！雖然努力修身之後真係瘦咗好多，不過手臂位無論點樣減都未太理想，係時候要搵其他方法幫幫手啦😝早排媽媽聚會聽其他媽媽介紹話有間叫Mama Me既產前產後護理中心有好多唔同嘅儀器同美容機幫媽咪瘦身，而且近近地就喺尖沙咀，於事就決定去試一試啦！

第一次上去感覺良好，因為佢哋主打做產前產後媽媽，所以明白我哋產後媽媽嘅煩惱同需要，美容師同纖體顧問好仔細同我分析我嘅體型同埋想減既部位係屬於脂肪型定係水腫型，然後再根據分析搵出最合適我嘅方法！

為咗令大家一齊見證效果，我叫咗美容師幫我影返啲相做記錄先！跟住美容師就用意大利醫學美容科技既Icoone無創激光溶脂儀器幫我做全身通淋巴

呢部機既特別之處係佢可以通過淋巴系統分解脂肪，消脂同時又可以刺激膠原蛋白彈性纖維增生令到皮膚更加緊致， 線條自然更加明顯啦！美容師仲同我講佢哋呢個Icoone係得到FDA同CE醫療認證架！喺整個通淋巴過程，美容師會用機頭按壓我全身既淋巴，然後重點出擊手臂

力度方面可以根據個人承受程度而調節，出黎效果同人手通淋巴差唔多，尤其小腿嘅位置明顯冇咁腫漲，之後佢哋喺我手臂位置搽上緊膚油再用Health SPA遠紅外線儀器幫我加強瘦身效果

原理係透過遠紅外線熱能提升皮下溫度同擴張微血管，達至流汗效果！因為汗係可以幫我哋既身體排出毒素同濕氣架！成個過程大約20分鐘，其間真係不停爆汗！完成療程之後兩個鐘之內最好都唔好食嘢住，因為身體會特別吸收架！

今次講住咁多先，如果你都想知道我最後嘅修身成果，記住留意下集嘅分享啦！😝

Nude Beauty X Elemis BIOTEC 法式美容初體驗！

其實一向自己都係做自家美容， 不過間中都會出去美容院放鬆一下， 好好享受做媽媽嘅獨處時間（蛇王都要蛇得有道理😂），今次近近地去咗位於尖沙咀廣東道既Nude Beauty

上到去換好衫，美容師就好專業咁樣同我做咗個皮膚分析，根據我皮膚嘅需要去搵最合適嘅療程。

事實證明平時勤力護膚係有用既！因為美容師都大讚我嘅皮膚彈性同水份都非常理想，不想面形輪廓更靚更突出，建議我試做Elemis BIOTEC緊致輪廓既療程

首先美容師會幫我卸妝同埋進行深層清潔，美容師嘅按摩手勢同力度都好好，佢同我講原來係要經過法國Elemis BIOTEC專業培訓再由Elemis BIOTEC導師親自過嚟考評合格先至可以成為Elemis BIOTEC認可既美容師架！到咗針清既環節，都係好快攪掂😂因爲美容師話好乾淨！而整個美容療程黎到呢一步之後，美容師就會開始保持安靜，等客人可以好好放鬆，好寧靜咁享受美容時刻❤️好貼心！

之後美容師幫我敷咗個Elemis緊緻提拉面膜，然後終於到「Elemis BIOTEC美顏機」出場啦！

呢部係集合咗五種科技既美顏機，包括有：

超聲波技術：利用壓電電流，以石英頭或陶瓷頭以每秒27,000次震動深度清潔毛孔和死皮、提升膠原蛋白再生、減少細紋和增加修復速度。

微電流：與自然電流相似，傳送微電流脈衝至肌肉以令皮膚變得更緊緻。這技術能令肌肉變得更結實、臉部輪廓變得更鮮明、幫助修復肌膚、改善瑕疵，紫外線和疤痕。

原電流：利用正離子和負離子的結合來清潔毛孔和趕走雜質。同時．高活性效能能穿透皮膚，減輕衰老和減少細紋。

注氧：95%的純氧衝擊能幫助高活性效能注入皮膚，回復緊緻度、組織修復、光澤和細紋。

LED燈治療調整：紅燈和藍燈治療能穿透皮膚至細胞來調整皮膚、刺激膠原蛋白、減少細菌和皮膚紅腫。

美容幫我用咗微電流同原電流加強緊緻輪廓效果，最後再幫我敷咗Elemis BIOTEC既皇牌骨膠原深層補水面膜，再用注氧令到面膜精華更加滲透至皮膚底層，成個過程涼浸浸好舒服呀！

快樂嘅時光過得特別快！話咁快就完成個療程啦！最後美容師幫我用返Elemis系列既護膚品搽上面，仲好貼心咁樣幫我查埋Elemis防曬添！

如果你都想有個咁尊貴既體驗可以去以下網址💕

Nude Waxing Beautique SOHO

https://www.facebook.com/nbeautiquehk/
地址： 17/F, Canton Plaza, 82-82 Canton Road, Tsim Sha Tsui
開放時間：11:00–21:00
電話： 28689100

美肌湯水大發現之～鱻森虱目魚精

可能因為我爸爸係一個好鐘意飲湯既人，所以自細都我嫁之前每一餐喺屋企食既飯都一定跟碗湯😂滾湯、煲湯、燉湯～總之梗有一碗湯大家飲❤️慢慢我都變成咗一個無湯不歡既湯精😂

所以我絕對相信湯水對皮膚既重要性架！亦因爲咁，婚後既我都好鐘意花時間煲啖湯飲！而當中我最愛既，一定係魚湯😍😍😍

唔通唔單止養顏又多鈣，而且當中所含嘅DHA對兒童腦部發育都好重要，女人飲更係產前補B，產後補奶！勁正！不過最近有個懷孕既閨蜜同我講佢孕吐好嚴重，少少腥味都唔得，所以飲魚湯對佢黎講好困難呀！於是幫佢搵方法解決既時候，俾我係網上見到黎自台灣嘅「魚鱻森虱目魚精」！！！

介紹話產品所採用既虱目魚都係由台灣養殖場天然方法養足15個月，再用獨家技術將虱目魚慢火精練8小時，製成滴滴虱目魚精華，經過-40度急凍處理包裝， 非常衛生方便而且冇防腐劑，夠晒天然！重點由原料到成品都通過SGS安全認證，安全衛生有保證服用方法非常簡單，只需要加熱5分就可以飲用啦！咁吸引🌈身為魚精既我緊係要試吓啦！

訂完貨送到黎屋企既時候仲係非常冰凍嗱嗱聲影返張相先

一次一包真係好方便❤️我鍾意用在暖奶器黎整熱😇

5分鐘之後啖啖精華❤️正！

兩個仔仔都好鍾意飲

想飲魚湯補充營養但係又冇時間煲既時候，飲魚鱻森虱目魚精真係好方便仲零腥味，啱晒返工一族、產前產後婦女同怕魚腥味既人！
可以搵到樣咁正嘅產品介紹俾我果位懷孕既閨蜜真係好開心！希望佢同BB飲完都又靚又健康啦！❤️

更多產品資訊同訂購方法可以去以下網址：
https://www.mrfish.com.hk/about-us

秋冬滋潤好幫手《Babo 燕麥牛奶滋潤系列》

呢排天氣開始轉涼而且仲有啲乾燥，所以哥哥成日都同我講呢度痕嗰度痕叫我幫佢手"R"，就嚟要送支不求人俾佢啦😂不過都始終驚佢皮膚太乾燥會引發到更加多嘅皮膚問題到時仲手尾長🤦🏻‍♀️

有留意開我既朋友都知我揀俾小朋友用既產品都以天然為首要條件，其次就係要無毒性同防敏感，所以今次試用既美國品牌Babo Botanicals都好啱我，因為佢哋全部都係由純植物活性成份+天然有機認證+全天然成份組合而成，初生嬰兒至成人都啱用架。

~品牌介紹～

babo Botanicals 是針對嬰幼孩童嬌嫩敏感的肌膚與頭髮所研製的產品。位於美國紐約州的產品研發中心，以公平交易的原則採購有機認證農場所產出的原物料。babo Botanicals 的產品採用安全的有機認證植物成份，其獨家配方 Nutri-Soothe™，結合洋甘菊、水田芥、葛根、及金盞花，富含天然抗氧化劑與維他命，可提升肌膚防禦力，修護潤澤肌膚，全天然的溫和配方更能有效舒緩嬰幼孩童肌膚的不適。babo BOTANICALS 推出後即受到廣大雜誌報導，亞特蘭大CBC 頻道、NBC 頻道夏日專題報導，並成為全美最大有機超市WHOLE FOODS MARKET 銷售No.1嬰幼兒保養品牌。

為咗解決皮膚乾燥敏感問題，我揀咗性質比較滋潤既燕麥牛奶泡泡浴露同潤膚膏俾兩位寶貝用。（圖中黃色系列）當中有洋甘菊同有機金盞花萃取成份，可以修復皮膚泛紅等等既炎症，而燕麥、牛奶、荷荷芭油可以為皮膚深層保濕同滋養，爆發性紅疹、乾燥或敏感性皮膚都啱用架！

準備沖涼既時候，只需要喺浴盤到加大約1-2蓋燕麥牛奶泡泡浴露，然後再用花灑撞啲暖水落去

因為呢枝產品係用植物性起泡成份所以好輕易就可以整到豐富綿密嘅泡泡浴架啦！

成個浴盤即刻充滿住淡淡草本花味既泡泡❤️

俾咁多泡泡包圍住，哥哥同埋細佬都玩得好開心呀！最衰屋企冇浴缸，如果唔係我都想玩埋一份😍最後唔洗沖水，直接抺乾身再幫佢哋用埋同系列既燕麥牛奶滋潤潤膚霜就得啦，我通常會喺佢哋重點覺得痕同乾燥既地方搽厚少少再按摩一下加強滲透力！呢個潤膚霜質地好滋潤好滑，但又唔會太笠， 同沖涼液一樣都有淡淡天然草本花香味！大愛❤️

其實同系列仲有支Daily Sheer SPF 40 防曬霜都好好用，質地清爽又唔會油淋淋， 係好安全既礦物防曬原理，成份有抗氧化兼美白既玫瑰同綠茶，有機蘆薈，鱷梨同荷荷芭油就舒緩同滋潤皮膚。

接送哥哥校車既位置真係好曬下，所以自從呢枝防曬出現之後，每次同佢出門口返學之前我都會幫佢搽順便自己偷偷搽埋一份😜！咁正既成份～貪靚既我又點可以錯過先？！😝🌞

而家喺屈臣氏，千色店同HKTVMall都可以買到啦～你哋都一齊體驗下啦！

Babo Botanicals Hong Kong
www.facebook.com/BaboBotanicalsHongKong