優質睡眠神器「鼻鼾敵™Puranox™－消除鼻鼾噴霧」

最近有留意我嘅朋友都發現我越來越夜訓又越嚟越遲起身😂，原因細佬出世之後出咗世之後真係忙左好多，好多時半夜湊完細佬，諗住可以入房大覺瞓嘅時候， 一打開房門已經聽到老公啲鼻鼾聲，都真係想瞓得着都難，又點可以起到早床喎！😩其實我老公一向都有鼻鼾既問題，雖然唔算好嚴重，但係我個人比較醒瞓所以有時佢啲鼻鼾太嘈，我係會踢佢兩嘢， 跟住佢就會停咗......一陣囉😂瞓唔着唯有上網睇咗好多關於鼻鼾嘅成因，原來大多數都係喉嚨肌肉鬆弛同埋氣道狹窄所引致，而因為喉嚨後方嘅軟組織震動就會產生鼻鼾聲，而喺香港每4個人之中就有一個人會習慣性嘅打鼻鼾，隨着年齡增長機會仲越來越高添！

好彩俾我發現呢支Puranox鼻鼾敵，佢係一支可以消除鼻鼾嘅噴霧，主要成份有歐洲大茴香、藍膠尤加利及歐夏至草等等，100%天然成份萃取，不含任何動物成份、荷爾蒙或防腐劑，仲係由荷蘭製造添，咁正嘅嘢梗係要搵老公黎試吓啦😏， 尋晚同佢解釋完之後係佢臨瞓之前就幫佢試用咗呢支產品，使用方法都好簡單，輕按拉桿1秒就會噴出適量嘅噴霧

而佢個噴咀嘅獨特之處可以令噴霧直達喉嚨後方軟組織，更快而準、更有效，而佢既三重功效可以強化及收緊喉嚨後方軟組、織潤滑黏膜組、織暢通氣度！

實驗證明尋晚大家都係瞓得非常之好嘅,前所未有咁安靜，即係話我以後有覺好瞓囉！Yeah!

最後要喺度同老公講聲：「唔好意思，我出賣左你個甜睡look！哈哈！😂」

❣️HIFU初體驗❣️

👑扮靚係女人既終身事業，所以我成為兩子之母就更加時刻提醒自己唔可以自我放棄，應該要好好保養好自己， keep住青春繼續做個開心靚媽咪💕

之前陀BB嘅時候，已經聽好多朋友講做Hifu對面部提升同去皺紋效果好明顯，令我非常心思思想去做，但係由於過程會有啲痛同埋始終涉及到電子儀器，所以孕婦唔適宜做，不過我都有做定功課既😎HIFU 既全名叫做High Intensity Focused Ultrasound 高能聚焦超聲波。簡單講即係一種超聲波能量，以非侵入性既聚焦方式將超聲波匯聚，從而將能量集合焦點，原理與放大鏡聚焦太陽光一樣，對皮下脂肪進行破壞性治療，同時透過熱能使膠原蛋白收縮，造成皮膚有緊緻變化。HIFU最先係用黎醫治腫瘤手術， 後來發展到美容界。而聚焦後既超聲波會產生70℃既高溫，如果操作不當有機會灼傷皮膚，所以一定要搵間可靠而且有醫生同埋受過專業訓練既治療師先好做HIFU療程架！

今胎生完之後唔知係咪肥咗既關係🙈覺得塊面既輪廓的確係冇以前咁Sharp同緊緻，於是的起心肝做咗Hifu療程啦！💪🏻

今次去既係位於尖沙咀既Dr Lifting醫學美肌提升中心，一去到首先填下個人資料、身體健康狀況同睇下療程要注意既安全細則同簽HIFU療程同意書

因爲雖然安全但係風險既嘢都要知既，之後就要見醫生，睇下我既皮膚去分析返我係咪適合做HIFU療程

佢亦都非常之細心同我講解整個療程程序同埋HIFU原理，原理大至上都係同我網上搵既資料差唔多啦，所以介紹下佢哋所用既儀器係黎自韓國叫DualHi機（DH-HIFU）

唔似坊間有啲美容院用大陸或者美國機，DH-HIFU有KFDA認證及CE歐洲安全認證，夠晒安全，最吸引我決定試做之處係呢部機既創新技術係用雙軌雙速，比一般HIFU療程時間縮短大約一倍，而每一線又比舊式HIFU覆蓋多20%範圍（即係用呢部機打600線已經有800線既收緊提升效果）痛楚既感覺仲比傳統HIFU減少80%添😍啱晒想靚又怕痛既我！

而呢部機係備有1.5 /3.0 /4.5 /6.5 mm唔同深度既治療頭，針對不同客人需要，以下係醫生建議我今次做既療程部位：
❇​1.5mm：針對眼部等脆弱部位，收緊返眼袋同眼紋
❇3.0mm：大部分面既位置，刺激皮下組織增生更多骨膠原， 加強提升效果
❇4.5mm​：提升筋膜層（Superficial Muscular Aponeurotic System，SMAS)，收緊皮膚，同樣做於大部分面既位置同埋頸部
❇6.5mm：針對截擊雙下巴

清楚了解晒所有問題同須知事項之後，醫生就安排治療師幫我變靚啲啦！

療程開始之前，治療師先幫我清潔好面部皮膚，之後幫我搽上HIFU專用既冰涼舒緩啫喱， 首先用4.5mm由頸部位置開始，每打一線都會有啲噠噠噠既聲😝好似開着咗部衣車咁！

個感覺比較強烈但唔會好痛，就好似有啲熱毛巾抹落塊面度咁樣！之後做3.0mm時候，成件事就舒服好多喇,真係冇乜痛既感覺，即係好似有啲嘢喺度彈彈下咁樣，之後就到雙下巴位置啦！用嘅係6.5mm，呢個真係幾痛下同有啲麻痹既感覺，不過都係接受到既程度，同埋只要一諗到可以消滅雙下巴就乜都抵返晒啦！治療師幫我做完半邊面，比我睇左效果先再繼續，然後又做返4.5mm刺激返膠原蛋白增生

輪到腮線位、虎紋、兩邊面頰、然後到蘋果肌同埋額頭，醫生話個每逢做到骨既位置（腮骨、顴骨、額頭）感覺都會比較強烈！所以我一早有心理準備，之後又會用返3.0mm去幼紋，到最後就係眼既部份啦

呢個亦都係我認為最舒服嘅，因為用既係1.5 mm頭所以真係冇乜感覺😝，而完成整個療程之後，治療師幫我清潔返面部既啫喱，跟住就用蠶絲深層保濕面膜幫我皮膚補充水份， 因為骨膠原蛋白係需要大量既水份製造架！敷面膜期間實在太舒服，我瞓着咗所以冇影相😜

完成療程啦！面上只係有輕微泛紅但完全唔影響出街，而且返到屋企已經退晒啦，不過醫生話完成療程既皮膚反應都因人異議既！專登影返個對比照比大家睇，相裏面見到好明顯見到眼袋位置收緊咗，虎紋同埋頸紋淺咗，腮線位同埋下巴都Firm咗，整塊面都有提升同緊緻既效果！！！尤其係兩星期後，見到成塊面係細咗真係好開心呀！🌷

側面圖就更加清楚見到個分別，下巴位同腮位輪廓都SHARP好多，蘋果肌都變得飽滿同提升咗，依家每次洗面都會覺得塊面好似有啲脹卜卜嘅感覺，但始終骨膠原增生須要2-3個月，所以到時效果應最明顯，不過一個月左右效果已經會慢慢開始見到🌷到時我會再影相俾大家睇！希望大家鍾意我今次既分享啦！

Dr Lifting 醫學美肌提升中心

尖沙咀樂道27號樂輝商業大廈13樓A室

查詢電話：3611 5241

Whatsapp: 5598 9784

Website: www.drlifitnghk.com

Facebook: www.facebook.com/drlifting