NIVEA® 全新CELLULAR FILLER 細胞激活抗皺緊緻系列

最近試用緊NIVEA® 全新CELLULAR FILLER 細胞激活抗皺緊緻系列，賣點係破天荒引入雙精華概念，高濃度雙鏈透明質酸，可以直達肌膚底層令肌膚吸飽同時鎖水。

而膠原Booster激生蛋白有細胞激活抗皺緊緻配方， 能即時撫平及減少面部皺紋，提升緊緻，更深層保水，回復幼嫩滑肌！抗皺護膚定位新步驟: 前導精華液抗皺+ 護膚效果倍增!!!

重點開架嘅價錢就做到專櫃嘅效果，呢個系列CP值好高呀！

1. 細胞激活抗皺緊緻精華乳霜40毫升

2. 激活細胞7天濃縮精華液 (28天精華裝)

3. 細胞激活抗皺緊緻修護晚霜50毫升

4. 細胞激活抗皺緊緻修護眼霜15毫升

當中我最鍾意又稱「Nivea小魔瓶」既激活細胞7天濃縮精華液 (28天精華裝)，因為佢蘊含Cellular系列內最高濃度既透明質酸同Collagen 膠原Booster架！除咗可以深入滲透肌底，活化肌膚細胞自我更新，仲可以促進膠原蛋白同透明質酸增生架！ 一盒有四枝，每枝有7日既份量，集中修護肌膚。



佢既質地好水潤容易推開，好快就被皮膚吸收， 感覺皮膚即刻變得好柔軟幼滑，緊緻有彈性！可以單獨使用，或者配合其他精華效果會更加顯著。

連續用7日，明顯提升整體膚質，更幼滑細緻咗！而連續使用28日，完成整個肌膚更生周期就更加完美啦！

細胞激活抗皺緊緻精華乳霜，質地cream狀，含Magnolia萃取精華可以提升抗皺效果。一推開即刻覺得好水潤透亮，滋潤保濕得黎唔會好”笠”，好快就被皮膚吸收，仲可以當Base 咁用，全日個妝都keep住貼薄清爽，仲有緊緻功效！

呢個天氣每晚瞓覺少不免會開冷氣，所以保濕晚霜都好重要！呢盒細胞激活抗皺緊緻修護晚霜我每晚都會用， 佢嘅質地係比較厚身既cream狀，但好容易推開，瞬間就被吸收咗，同埋搽上面感覺好保濕，皮膚變得好柔軟緊緻，第二朝瞓醒塊面都唔會覺得掹掹緊、冇乾紋，keep住水潤飽滿！

⚠️最後要提提每位女生！早晚都一定要搽眼霜⚠️

眼睛係靈魂之窗，亦都係最容易暴露年齡嘅部份，所以千祈唔好忽視眼霜既重要性呀！如果你已經出現咗眼紋嘅話，不妨試試呢支細胞激活抗皺緊緻修護眼霜，蘊含高濃度透明質酸及膠原Booster，促進膠原蛋白和透明質酸增生

有效減淡眼紋同提升抗皺效果。

總結呢個系列整體修護效果都唔錯，唯一係香味方面可以清淡些會更加好！

*產品試用及資訊由品牌提供*


#Nivea全新CELLULAR FILLER
#細胞激活抗皺緊緻
#7天極效抗皺
#高濃度透明質酸及膠原booster