2020年12月18日 星期五

正宗四川師傅主理~將軍澳片皮鴨外賣 @「金公館」

 自從五月冇工人以來日日都要自己煮煮煮,今日終於有新工人嚟啦!所以都想叫下外賣嚟個Welcome Dinner慶祝下!

我哋一家都好鍾意食片皮鴨,疫情開始之後成日都想買片皮鴨外賣返屋企慢慢嘆!之前住將軍澳嘅朋友就介紹我哋試吓將軍澳中菜「金公館」!因為係正宗四川師傅主理,而將軍澳片皮鴨來講佢都算幾有名氣,再加上會做片皮鴨外賣嘅中菜館真係唔多!所以一於就試吓嚟自將軍澳既片皮鴨外賣啦!

所有食物都包裝得好妥當,完全冇漏汁既情況,抵讚!




今次我哋叫咗個四人餐:

主菜有片皮鴨

招牌口水雞

蒜泥白肉

青城山杏汁猪肺湯

仲追加咗一客酸菜魚

重點講吓幾樣我最鍾意食既分享啦!

一定係片皮鴨先!😍

將軍澳中菜「金公館」用咗傳統方法去烤制,所以保留到鴨肉甘香味同肉汁,而鴨皮仲好似薯片咁脆卜卜!

重點係師傅已經將鴨皮下嘅脂肪全部切走,真係好考刀功!所以每一啖都食得健康又唔使驚太肥!

配料方面有清解油膩既青瓜同埋香濃既京蔥絲,配襯埋經典嘅甜面醬同埋金公館特別調製嘅桂花糖醬,再包晒喺摩摩皮裏面,口感層次豐富得來仲帶有陣陣桂花清香,好特別啊!

我自己就鐘意鴨皮加埋肉一齊食,多重口感一啖過!(笑)




再嚟講下個酸菜魚,當中所用嘅香料同辣椒都係來自四川,加上來自四川成都傳統老壇醃制既酸菜,特點係用小葉、無筋既新鮮菜醃製,所以食落口特別爽脆!


原來呢種酸菜既製作過程都非常唔簡單,醃制一定要用原汁母水同秘制香料加上古法埋壇,喺恒溫恒濕的環境下醃制 20至30日㗎!


酸菜魚嘅湯底呈黃色,淡淡甘香酸辣又惹味,仲帶少少麻非常過癮,魚片食落口好滑溜,仲有粗薯粉做底,真係好滿足呀!

至於招牌口水雞賣相好吸引,一打開盒已經聞到好香,醬汁惹味又唔會太辛辣!

就算係我最鍾意食嘅雞髀部份都唔會太多肥膏,所以連埋皮食都可以接受呀!

最後想讚下佢哋嘅蒜泥白肉個秘製醬汁好好味,酸酸哋有好多蒜蓉,惹味又好開胃!

豬腩片刨到好薄一片,配襯埋下面一樣咁薄嘅青瓜,每一口滋味得嚟唔會有邪惡感,連一向唔食豬腩肉嘅老公都食到停唔到口😍

下次去將軍澳食中菜一定要試埋去堂食先!如果你係住喺將軍澳嘅話以後想喺將軍澳食片皮鴨又多一個選擇啦!

2020年10月9日 星期五

美國Airgle專業級空氣凈化機


兩兄弟雖然都已經開咗學啦!但疫情飄忽不定,做媽媽嘅自然都會特別緊張,所以佢哋每次放學返嚟都會即刻沖涼,而我都會幫佢哋嘅書包同返學鞋做好消毒程序,不過為咗佢哋有更加全面嘅保護,最近都添置咗一部美國品牌Airgle專業級空氣凈化機喺佢哋嘅房間,等佢哋大部份時間都可以呼吸到潔淨健康的空氣。

等我同大家分享一下開箱文啦!

坊間大部份高效能嘅空氣淨化機都比較巨型,面對寸金尺土嘅香港兼夾空間所剩無幾嘅小朋友房嚟講,機身大細真係一個好重要嘅考慮因素!

而今次呢部Airgle專業級空氣凈化機既設計只有兩盒盒裝紙巾嘅大小,輕巧時尚完全符合香港地蝸居嘅要求!



正因為細細部所以好方便攜帶,除咗可以放喺佢哋房間之外,有時我哋喺廳玩玩具又可以拎去廳到,連我家主子Lu Lu都對呢部機好有興趣呀!



話晒寵物家庭對空氣質素都會有一定嘅要求,作為一個稱職嘅貓奴,提供到乾淨嘅環境同埋空氣都可以大大減低主子患上貓感冒既機會㗎!


唔好睇佢機身細細,其實當中配備咗H14級cHEPA及活性碳過濾技術,能有效去除多種空氣污染物,包括PM2.5、煙霧、過敏原、異味、甲醛及揮發性有機化合物(VOC)等;


獨有Titanium Pro專利光觸媒殺菌組件,可以殺滅空氣中的細菌和病毒,在光催化作用下將污染物轉化成無害物質, 所以近年獲政府、醫院、商業機構、幼兒機構及家居等廣泛採購及使用,仲獲美國太空總署 (NASA) 及沙特阿拉伯皇室信任使用,真係來頭不小㗎!

配搭Airgle專業級空氣凈化機嘅汽車專用配件,外出時放埋喺私家車到用都冇問題👍🏻
😉


仲跟埋縲絲刀方便組裝,好貼心呀~


安裝好配件後掛喺椅背後面再駁好電線就可以了!




依家日日都有佢幫手保護我哋全家,感覺就算開咗學多咗社交接觸都唔至於太過擔心,至少返到嚟屋企都有個好幫手淨化返空氣中嘅細菌嘛!😉



更多產品資訊:

2020年9月27日 星期日

試用分享~Philips Lumea Prestige家用彩光脫毛機

平日嘅我最鍾意就係着短裙、短褲~所以處理毛髮方面點都會定期花時間去做既!好彩我嘅毛髮天生唔算多,不過我皮膚比較白所以毛毛都會係特別顯眼嘅,要清理得夠徹底又唔傷皮膚,絕對唔可以馬虎㗎!





最近我就試用咗Philips Lumea Prestige 被坊間稱為最強效既IPL 彩光脫毛器,最鍾意佢喺屋企就可以輕鬆做到美容院級嘅彩光脫毛效果,完全符合我自家美容嘅概念!





機身輕巧,無線充好電隨時邊到用得,冇電嘅時候充住電繼續用又得,而且跟機既四個4 個獨特弧形配件 ,分別可以解決來自身體(手部、腿部、背部)、面部、腋下同埋比堅尼嘅毛髮。


呢部機既SmartSkin 智能膚色感應器仲會按照使用者嘅膚色建議最舒適既強度㗎!所以完全唔使擔心唔識揀度數既問題。

💗
開心share比身邊嘅朋友,原來佢哋都好有興趣入手呢部機,最關心嘅就係用呢部機嘅時候有咩感覺?痛唔痛?點樣用?敏感部位用唔用得?效果好唔好?



等我一次過喺度講啦!其實用之前首先要將需要脫毛嘅位置剃乾淨,然後選擇彩光度數,將機頭緊貼皮膚直至到信號燈亮起就可以開槍,每一槍打落去嘅感覺大概就好似俾一支沾咗熱水嘅棉花棒掂咗一下咁,度數越大感覺越強!



我自己覺得可以接受嘅!當然毛髮越多嘅人就感覺越抵啦!🤓而且呢部機係同皮膚科醫生共同研發嘅所,所以敏感部位都可以安心使用,度數校返低啲就得啦!我自己暫時用咗兩次,覺得毛髮真係有明顯減慢生長嘅效果,用過嘅皮膚都變得嫩白咗,介紹話3 次療程 (即約4星期)可減少毛髮達 92%* ,相信繼續完成療程效果一定會更加好!🥰
*需依照建議的脫毛療程時間表,以腿部進行3次療程為準,脫毛效果或因人而異。2016年經
Philips臨床研究測試。脫毛療程以每兩星期進行一次計算,即 4星期可完成首三次療程。

如果你都想知道更多資料嘅話可以喺呢度搵到呀!😉

2020年8月28日 星期五

花研草說的凍齡秘方~石斛檸檬凍齡茶

 最近大家嘅熱門話題都係講緊「三十而己」呢套劇集,雖然我仲未睇,但係一聽到個劇名嗰一刻,我就諗起我30歲生日既時候應承過自己要忘掉年齡,好好保養自己既樣貌同埋身材,視覺年齡要keepForever 21先係皇道🤣



其實想要抗衰老hold住青春,除咗揀選適合嘅護膚品之外,平時嘅飲食都好有幫助!就好似花研草說首創嘅石斛凍齡茶系列咁,聽到個名都覺得興奮!




首先我本身好鍾意飲茶,再加上「凍齡」呢個Terms,跟本就係「我杯茶」😆石斛其實係中藥嘅一種,具有養脾健胃嘅作用,而 《花研草說》只選⽤⾃家種植既珍貴鐵⽪⽯斛,佢唔單只係石斛科中既極品,當中既⽯斛多醣含量平均⾼達35%,有助調理消化系統、加強營養吸收、改善睡眠質素,同時含有多種⼈體新陳代謝必需的微量元素和膠原蛋⽩,能使細胞再⽣,不斷提供健康能量。





今次我就試咗石斛檸檬茶


成分:石斛花、檸檬、馬鞭草、甜菊 


主要功效


🍋提升免疫力,有助對抗病菌 .


🍋改善消化及吸收系統,健脾開胃,有助改善食慾 .


🍋改善睡眠質素,恢復飽滿精神及體力




我鍾意佢全天然、無糖、無添加又零卡路里,當中選用嚟自南非既檸檬含有豐富嘅維他命C,可以提升免疫力同埋抵抗力,啱晒而家新冠肺炎疫情保健之餘又可以美白去斑抑制黑色素嘅形成,達致抗氧化嘅功效,同時仲可以加速新陳代謝,有助排毒清宿便,改善便秘嘅問題,所以2歲以上既小朋友都好啱飲㗎!


一包當日可以回沖三至四次,熱泡或者冷泡都可以,配合埋佢哋嘅自家設計嘅戀。水瓶,一杯就有500ml,每日都可以飲夠足夠嘅水份啦!





個不鏽鋼茶隔設計真係好貼心,每一啖都飲到靚茶,個隔熱套嘅質地仲好好添!



棉質洗水袋用嚟收納茶包都ok喎!



其實就咁見到啲沖好咗既花茶畫面都覺得好療瘉❤️





石斛檸檬茶入口好清甜,帶有少少回甘同埋花草香味!成件事真係又靚好飲呀!

凍齡原來咁簡單就可以做到啦!你都快啲行動啦!




#花研草說 #mzklife #凍齡茶 #石斛檸檬 #檸檬茶 #健康 #養生 #身體再生之源 #regenerateyourbody #石斛 #石斛花 #herbaltea #花茶 #夏日特飲 #增強免疫力 #茶療 #全天然 #無添加 #香港花茶 #防疫首選