2021年5月21日 星期五

微生態科研專家 ~Lancôme Advanced Génifique 升級版嫩肌活膚精華及眼霜

最近留意到Sammi講原來每個人既肌膚表面,一出世就擁有獨一無二既「微生態」😲直情好似DNA或者指紋咁,唯一唔同係佢會隨着我哋成長而變化,因為身體一半係人體細胞,另一半就是由細菌細胞組成。日常生活之中,紫外線嘅侵害、空氣污染、捱夜或者飲食唔均衡都會影響微生態而失衡,令肌膚出現衰老、缺水、皺紋、變得暗啞粗糙添。



所以為咗肌膚可以保持最佳狀態,Lancôme 最新研發嘅Advanced Génifique 升級版嫩肌活膚精華(即係我最愛嘅小黑瓶🖤)建基於微生態科學,蘊含強大的7種益生元及益生菌萃取物。幫助肌膚抵抗外來侵害,瞬間加快「回復肌膚防禦屏障」!令皮膚再現以下嘅功能。


💖保護︰有益微生物是阻隔外在環境的第一道防線。平衡的微生態有助肌膚抵抗病原體入侵,同時釋放抗氧化蛋白。


💖調整︰有益微生物與皮膚細胞交流,有助緩和炎症。


💖修復︰平衡的微生態對肌膚屏障功能起關鍵作用


其實多年以來我都係靠小黑瓶幫我修復歲月嘅痕跡!今次新升級版一如以往另外令愛不釋手,最鍾意佢每次打開樽蓋都會自動吸取出適當嘅份量。





精華質地水潤冰涼,好容易推開,瞬間被皮膚吸收晒!



即時展現光澤年輕嘅少女肌!一瓶還原年輕.柔滑.透亮,而且用咗佢之後我覺得皮膚喺轉季嘅時候變得更強韌同穩定,冇咁容易出現敏感嘅問題!上妝之前用佢仲會特別貼面添!🥰


  


一講到Génifique系列一定唔少得佢哋嘅升級版嫩肌活膚眼霜 (Génifique 發光眼霜)



偷偷地話你知,貪靚嘅我由16歲就開始搽眼霜㗎啦!因為眼周肌膚嘅衰老係好容易暴露一個女人嘅年齡,就算後生女都可能因為眼紋俾人感覺比實際年齡老㗎!尤其而家日日要戴口罩嘅節奏,眼睛已成為咗焦點,所以有一雙精靈有神既眼睛真係好重要!


而今次Lancôme Génifique 發光眼霜主要針對眼部輪廓肌膚擁有獨特既「微生態」。可以秒速強韌肌膚屏障,使用7天達致緊致減淡黑眼圈同細紋既效果,重現年輕雙眸。




絲滑珠光啫喱霜質感,塗抹喺眼周肌膚既觸感似絲絨咁滑,瞬間滲入肌底喺肌膚表面,形成一層保濕保護薄膜,感覺清爽絕無黏膩感。





想一齊HOLD住青春既美女們,快啲入手啦😍


更多產品資訊: https://bit.ly/3ecchib



#LancomeHK #亞洲No1專櫃護膚品牌 #Genifique小黑瓶 #Genifique發光眼霜 #微生態科研專家 #EyeShowMyStrength

2021年5月13日 星期四

大角咀浪漫情調西餐廳

好耐冇去過大角咀食飯原來依家都新開咗好多唔同類型嘅餐廳

例如今晚就同朋友去咗 Lost stars Livehouse Bar & Eatery 西餐廳度食晚飯,

因為book咗6:30嘅關係比較早, 所以嚟到嘅時候暫時得我哋一台可以影吓相。




呢度環境都幾唔錯,裝修好有情調,昏暗嘅燈光加上好多唔同嘅大細既波波燈泡,

同埋大型字母燈泡感覺好浪漫🌹

大部份枱上面仲有少少花做裝飾,情侶嚟嘅話真係好有氣氛呀!

原來逢星期五六日呢到仲有live Band表演添!


雖然我哋今日係星期三冇live Band,不過店內都係播放好多好聽嘅音樂。


食物方面都多選擇同埋價錢合理




難得同朋友出嚟輕鬆一下所以我哋都點咗各一杯Cocktail,估唔到連啲名都咁浪漫❤️







We found love 

主調係Vodka ,配以檸檬汁同埋荔枝,

賣相係白色透明仲有少少花瓣碎做裝飾,入口酸酸甜甜好清新!




How long will I love you

賣相係好靚嘅西瓜紅色,有菠蘿、紅莓同埋伯爵花茶喺裏面

入口好有層次,酒味偏淡易入口



我哋仲叫咗以下嘅食物!


威靈頓牛柳配法式伯那西醬佐意大利鮮香芹及甜醋初榨橄欖油(必須半日前預訂)


話說呢個係佢哋嘅招牌菜,所以點都要試吓!威靈頓牛柳賣相好靚😍


金黃酥脆嘅酥皮外層包住粉紅色而且充滿肉汁既牛柳😍


店員話呢個係三成熟,聽落好似會生,但係食嘅時候其實係剛剛好建議我哋試咗先!



我第一次食威靈頓牛柳所以覺得呢個味道真係好震撼!


除咗食到酥皮、仲有鵝肝醬同埋蘑菇蓉嘅味道,


至於個牛柳真係好好味、好多汁、好腍滑而且牛肉味好濃,成件事真係超級夾❤️


意大利布袋芝士雜錦鮮蔬沙律配暖墨西哥餅熟成蛋黃及松子仁



呢個沙律口味都幾特別,布袋芝士味道淡淡地唔會好漏,


蔬菜好清新仲有少少松子仁,感覺好健康!


咁好嘅餐廳值得encore,希望下次可以同老公一齊嚟❤️