♡Cherrie 小蘭♡: 美肌大發現🌹RAY 泰國蠶絲面膜

農曆新年已過咗一半啦！🎉隨着哥哥仔放完新年假開始返學，我都開始冇咁忙碌，日間都可以有返少少自己既私人時間😍回想返呢段期間老公要去黃大仙檔口幫屋企人手早出晚歸，

日日我都要貼身照顧呢對孖寶兄弟，出出入入、餵奶餵飯、陪玩陪讀、沖涼、做功課全部一腳踢，堅係少啲精力都唔得，每晚停落黎既時候都感覺精力似被搾乾🤦🏻‍♀️

早幾日老公終於早咗返屋企替下我更，交完人即刻敷返個面膜自我急救下！😎

今次揀咗用近期入手既人氣產品RAY 泰國蠶絲面膜，敷完已經即時感覺好水潤好吸收又唔笠，第二日瞓醒照鏡真係令我覺得驚為天人😍膚色唔單止白滑水潤咗，而且皮膚質地變得超級好！超級好！超級好！（重要的事情說三次😎）感覺連毛孔都細緻埋，唔怪之得Ray蠶絲面膜由2014年8月泰國推出至今，累計銷量已經突破兩億張!咁受歡迎又好用又性價比高，忍唔住要拿拿聲同大家分享下呢份喜悅😍

韓國面膜就用得多啦，泰國嘅面膜真係第一次用！😆Ray泰國面膜官方中文版叫妝蕾® ，係由泰國原裝進口。產地為於泰國清萊既RAY面膜公司致力於純天然，安全溫和無副作用既產品研發，加上產品不含熒光劑同激素，仲有用得安心晒SGS安全認證添！

建議零售價$138， SASA優惠價$78，一盒10片平均$8一片都唔洗！好抵用！

蠶絲面膜既好處唔單止貼服肌膚，加強精華滲透效果，而當中所含嘅胺基酸同蠶絲蛋白質可以抗衰老兼保濕同時深層滋養，所以由蠶絲質材製成既薄膜仲有「第二層肌膚」嘅美譽。

【金色款主要功效】美白、修複痘痘、痘印，提拉緊致、淡化斑點、紅血絲，提亮膚色。
【銀色款主要功效】美白、清潔補水、嫩膚抗皺、收縮毛孔、修複曬後紅腫，提亮膚色。

兩隻都試晒，但個人偏愛銀色，貪佢用完真亮白又補水收毛孔，所以用咗佢嚟影相😇