CHANEL J12 Pop-up Store體驗

一直都好鍾情於CHANEL嘅手錶,由設計概念同風格都好有佢哋既一套而且夠晒獨特👑，所以今日專登抽時間去咗參觀佢哋喺海港城嘅Chanel J12 pop up Store

場內唔單止展出超過 20 款各具特色的 J12 腕錶，當中仲見到最新嘅全球限量版Mademoiselle J12添，店員仲同我介紹呢隻手錶充滿話題性，錶面上鑲有 CoCo Chanel 女士既肖像造型，雙臂化成時、分指針報時，好可愛得黎又夠創新，例牌既黑色同白色兩款，重點係隻錶全球得555隻，好多Top VIP想買都買唔到仲要waiting list排晒長龍!人氣超勁！

而呢間pop-up store嘅場地佈置都好有心思,每個展示箱都用咗唔同既背景去演繹每款J12，精選左幾款我最鍾意嘅影相俾大家欣賞下❤️

白色迷你版J12， 店員說這是歐洲最流行的款式

呢隻黑色J12仲可以當手鈪，好型！😎

各位美女最愛既粉紅色系列 J12, 心心眼吧！😍

講到Chanel手錶，又點少得我最心愛既Premiere系列😍

而成個場最吸引既當然係用咗大大個既Mademoiselle J12手錶設計做主題牆俾大家影張相留念
啦！

會場仲有個好得意嘅四連環拍影相服務，只要對住鏡頭做出四款唔同嘅動作，就會有一張四格既即影即有相。

而soft copy版本就會變成一張動態相片，仲可以send去你嘅email到添！

付責幫手影相果位小鮮肉非常靚仔😜原來是模特兒呢！

臨走佢哋仲送咗好精美既CHANEL WATCH & FINE JEWELLERY相冊俾我留念添！超開心，我開最喜歡欣賞珠寶了❤️

呢個pop-up Store去到18號星期日咋！喜歡手錶嘅朋友們千其唔好錯過呀~😇

#Chanelhk #J12 #Chanelwatches #mademoisellej12

《產後修身～運動篇》

旅行充完電返黎又要繼續寫分享文啦！今次到大家都好重視既運動篇！

其實由細到大我都好少做運動，應該係話唔鐘意做😜因爲我係運動白痴兼冇樣叻，記得以前讀書時運動堂考試要跑步，我都可以肥佬（唔合格）只係3分鐘內跑幾個圈籃球場咋，我都頂唔順🙈又試過中學時成班同學三十幾人睇住我跑為我打氣，我最後先勉強攞到個「E」，但跑完係氣喘到幾乎就快死個隻😂至於球類運動，食波餅同執波簡直係我強項，所以同我對戰既人真係要好高EQ🤣否則一定即場走人兼同我絕交🤡

懶爆既我生完第一胎之後，重咗成二十幾磅🙈我開始下定決心做「運動」減肥修身，試過同朋友一齊參加跳舞班

同喺屋企跳鄭多燕，平時亦會推埋BB車帶卓謙出去，以急步方式行天橋散步，（自我陶醉當做咗運動🤡）雖然好似冇一般運動咁消耗脂肪咁快，但當時做全職媽咪，冇工人乜都一腳踢，加上餵人奶又可以消耗啲卡路里，所以都算修身冇難度既！😎至於呢一胎，坐完月真係肥到不得了😝印象最深刻就係條睡褲幾乎脹爆😂衣櫃嘅衫幾乎得一兩件着得到😭傷心欲絕嘅我唯有得閒就上網，搵下產後修身既資料同文章黎睇，慢慢我發現所有既分享其實除咗控制飲食習慣，離不開都係要做真正既運動，例如跑步、游水、踩單車等等呢啲都係帶氧運動，係消脂減肥既好方法，因為除咗跑步其他我兩樣都唔識🙈所以我決心開始練習跑步。

所以我通常一星期跑2-3次，每次45分鐘左右，因為如果時間做太長，消耗既就不單只脂肪仲會包括肌肉架！所以一般黎講帶氧運動45分鐘已經足夠，過量反而會令身體內防止因鍛煉過度引起的肌肉分解的白氨酸耗盡，導致縮肌架。
由於湊住兩隻小魔怪時間好難固定😜所以中午得閑，我就會去會健身室跑順便焗埋桑拿，

夜晚得閑，我就會去跑西九龍海濱長廊兼欣賞下風景😇！

另外每一日我都會堅持做一系列嘅收腹運動，例如Pilates(普拉提），裏面既動作好多變化,最基本都有類似平板支撐同捲腹等等......

點解會學Pilates呢？話說本身我想去學瑜伽同開始留意呢方面既課程，然後教會就突然公佈舉辦Pilates收身護脊運動班

呢個普拉提班主要針對腰腹部肌肉的訓練，對於本身患有椎間盤突出既我非常實用呢！重點全部動作只要有張瑜伽墊就可以完成得到，喺屋企想做就做！

我屋企客廳長期都攤住張韓國兒童玩具墊，厚身夠承拓而且回彈力高，一瞓上去就可以做到，仲有乜藉口可以懶先？！🤣
以下分享幾段我平時喺屋企最鍾意一邊睇一邊做嘅video，貪佢哋可以同我一齊同步而唔係雞精版🤣做完真係會出好多汗架！

針對Byebye 肉
https://youtu.be/W1RwiXBobvc

針對腰腹
https://youtu.be/x4It0ND7Vuw
https://youtu.be/MWw9JN2a-m8

針對全身
https://youtu.be/vx7I0X7-32U

Pilates初級版
https://youtu.be/6A98Glp5DuY


而家我都愛上咗做運動啦！好享受出一身汗嘅感覺，超爽快！運動唔單止有益健康，而且仲會令大腦釋放大量安多酚(endorphin)，呢種激素可以令個人更加開心添架！你地都一齊試吓啦！