自從之前嚟咗幾次會展之後，發現唔同嘅展覽主題都令我大開眼界，而今次就黎咗參觀由香港貿易發展局主辦既第34屆香港禮品展，有成31個國家及地區、共4,380家參展商參與，稱得上係全球最大既禮品展㗎！
除咗有一半常見嘅文儀用品同埋玩具之外，今次仲首設「美容、健康及保健」展區啱晒貪靚嘅我，一齊嚟睇下我今日既精選分享啦！
黎到Team green，見到好多熟口熟面嘅世界各地地標設計既卡紙砌圖，全部都好精美，我最愛嘅當然係櫻花日本城系列啦！有仲有比較大型嘅小朋友座椅同埋精品店經常都會見到既音樂盒，大人同細路仔都好啱玩㗎！
文具方面，黎自日本既百年經典品牌Kokuyo就展示多款最新推出既筆記手帳及各式新型文具。當中佢哋嘅筆記外形仲係保留返60年前嘅經典設計，夠晒Vintage，而且書寫格式可自定發揮，係IG既打卡恩物嚟㗎！
Lee Yuen housewares 有好多唔同嘅餐具，當中最吸引我嘅就係環保飲筒啦，材料係用硅膠、竹、同不鏽鋼製造，啱晒而家響應環保「走膠飲管」既文化。我兩個仔仔出街都係用不鏽鋼飲筒㗎！
台灣初創Muherz帶來獲得2018年德國紅點設計大獎、全球體積最細的掌上型雷射雕刻機「Cubiio」，產品甫推出市場旋即成為焦點！因為佢可以輕易兼快速雕刻出各種圖案同埋文字，啱晒鍾意DIY嘅朋友！效果仲好靚添！
近期韓國好興玩括色圖畫，今次Lago 都見到有好多而且圖案主要係世界各地嘅名勝風景有啲仲可以整成燈添！相片中有巴黎鐵塔再加埋煙花嘅走馬燈，真係好靚呀！
Maisto 最出名就係出合金車仔同埋合金玩具!
而且今次佢哋仲展示咗兩架全球限量發售嘅Bling Bling水晶林寶堅尼，當中所採用嘅閃石係施華洛世奇水特許授權㗎！唔怪之得咁閃！
行行吓嚟到江西景德鎮陶瓷展區，其實我父母家鄉都係江西，雖然我未去過景德鎮，不過都打個卡留念先！
歷史悠久嘅江西景德鎮陶瓷，無論係造工同上色方面都好嚴謹同有水準而聞名，各式各樣嘅設計裏面，你又最鍾意邊一款呢？
我一向都幾鍾情泰國嘅面膜,所以今次去到Jan Hom，就比佢哋嘅燕窩面膜吸引住咗!
店員介紹當中除咗含有燕窩精華之外，仲有蝸牛精華同埋蘆薈成份，加上蠶絲質地嘅面膜可以令皮膚更加吸收，回復水潤亮澤，真係好有興趣試一試！
同場都展示左好多佢哋既燕窩同水果番梘、潤膚膏之類嘅產品，仲有佢哋嘅Green cotton 100%純綿產品，質地舒服柔軟而且無漂染、無人造纖維， 柔軟又舒服BB用都好適合，仲有出埋易摺式高效防UV帽，渡假風得嚟又實用👍🏻
來自紐西蘭嘅The Aromatherapy Co.身體護理系列，成份天然香味又夠獨特，仲有各種膚、髮質既產品睇吓返唔同嘅客人，真係好貼心啊！
分享完咁多正嘢，大家都好心動吧？有興趣去既朋友就得留意以下詳細資料啦！
香港禮品及贈品展
日期：2019年4月27至30日（星期六至二）
開放時間：4月27至29日
上午9時30分至下午6時30分
4月30日
上午9時30分至下午5時
地點：香港會議展覽中心
沒有留言:
張貼留言