超抵玩$80親子餐廳初體驗💕森林主題樂園 Jungle King

話咁快暑假就開始咗啦！可惜呢排嘅天氣非常之唔穩定🤷🏻‍♀️成日突然落雨🌧諗去邊玩諗到
頭都痕呀🤦🏻‍♀️好彩今次有莫利媽媽約咗我同佢班朋友一齊去位於觀塘既親子餐廳Jungle King到玩，（由觀塘港鐵站步行大約8分鐘去工廠區，駱駝漆大廈第一期）

呢度以森林樂園作為主題，所以周圍嘅佈置會見到好多動物嘅圖案同埋樹木元素，雖然係室內但係都感受到大自然氣息呀！

偷偷地話俾你知，其實呢次係我第一次帶仔仔嚟親子餐廳🤫因為好多親子餐廳去襯都差唔多二百幾蚊走人，而呢到$80就包一大人、一小朋友(8歲以下）暢玩三個鐘😍而且全數仲可以兌換作餐飲費用😍真係超抵！ 啱晒精打細算嘅我！👍🏻時段如下～～～

我哋揀咗午餐時段去，所以場內有唔同嘅午餐、兒童餐、飲品提供，而食物大約20-35分鐘左右一次過送到，幾乎全場一齊開動食飯，有氣氛到小朋友們都拿拿聲歸位😂

個人覺得店員推薦嘅冬陰公茄子雞扒飯帶啲辣好惹味😍羅勒醬海鮮意粉都好fresh，煙三文魚

沙律就普通咗啲不過賣相靚所以加分😂

小朋友餐都好豐富，不過醬汁浠少少會更好！整體食物好味而且大部分味道唔會太濃，都好啱小朋友食。

好啦！食完講返小朋友們最關心嘅玩樂區先，其實都佔半個場咁大， 思考型嘅小朋友可以喺圖書角睇書（旁邊仲有育嬰室好貼心）

好動型就梗係要去森林歷險波波池啦，入嚟見到呢個pastel color 嘅波波池已經非常之心心眼! 😍甜美控既我絕對要selfie 啦！🤳🏻

 呢個木製歷險滑梯除咗要爬繩網、行木吊橋之外，仲有一啲難道比較高嘅

例如車呔陣

攀石，啱晒鍾意自我挑戰同埋擒高擒低嘅小朋友😂

靜態型既小朋友可以去旁邊既小型玩樂區

玩具都多種類架！例如例Lego牆、

木製煮飯仔、

木火車仔、

拼圖同積木等等。。。。。。

梗有「多款」啱小朋友😂結果仔仔最後當然玩到唔捨得走啦，所以如果下次天氣唔係咁好嘅話又唔想留係屋企，呢度都係一個唔錯嘅選擇！❤️暑假優惠到31/7咋，星期二至五都適用！記得要預約呀！

餐廳：Jungle King
地址: 觀塘開源道駱駝漆大廈1座12樓C室
電話: 6886 6395