呢個時候既BB 一日通常食5餐，平時除咗一早一晚飲奶奶之外，午餐同晚餐我都可以由我哋佢嘅食物拎少少出黎，好輕鬆咁完成佢果份架！好似今日嘅午餐我同哥哥食香煎牛小排配鮮茄汁飯
細佬就食蕃茄肉醬蝴蝶粉
晚餐我哋食忌廉野菜配香煎魚柳飯魚
細佬就食紅蘿蔔魚茸爛飯✌🏻
至於下午茶我通常會比生果佢哋食，因為想佢哋有食生果嘅習慣同埋想多啲纖維幫助佢哋嘅腸道蠕動，便秘都少好多啦！（大仔最鐘意既士多啤梨）
但係有時忙起上嚟唔記得買生果或者出咗街冇準備嘅話，袋裝果泥就係我嘅首選啦！呢個發明對我來講真係太方便，尤其針對啲唔太肯食蔬菜生果嘅小朋友來講簡直係恩物😍不過係選購果泥嘅時候我都會特別留意佢哋嘅成份，話晒都係俾BB食，揀返啲全天然同埋無添加糖、防腐劑等化學物質既最安心啦！最近我就留意到有隻黎自德國既FruchtBar
呢個牌子喺係德國家傳戶曉既高稍量果泥，100%有機產品，仲完全符合晒我以上提到嘅擇「泥」標準😎而且製作過程中經過嚴格嘅檢測，確定係冇加入人工有害物質同埋殘餘農藥、重金屬等等！而最欣賞係包裝袋分為三層，包住果泥嗰層PE材料係一種目前最常見既無毒食品包裝袋材料之一， 夠晒安全！一口氣買咗幾款口味返嚟試吓！
影相嘅時候兩位小朋友都表現得極之瘋狂🤣因為佢哋都俾顏色鮮艷嘅卡通包裝袋吸引住左，（影影下為食既細佬豬等食等到發憫憎仲開始喊囉🤣）
轉個頭哥哥已經急不及待叫我快啲成包俾佢食，而細佬豬.......就心急兼肉緊到唧到自己成身都係🙈因為佢第一次啜所以可能唔係好識啜🤣唯有用匙羹餵佢啦！
總括來講FruchtBar呢個牌子既果泥都真係幾唔錯值得回購，等我遲啲買埋買佢哋嘅水果乾同埋其他BB零食試下先！
沒有留言:
張貼留言