支持孩子做自己

我相信每個小朋友都擁有魔法，作為爸爸媽媽嘅你又睇到未呢？

以前上網玩手機最鍾意就係睇下有咩扮靚同埋飲食情報，但係當做咗媽媽之後就發現最鍾意睇既全部變晒有關育兒嘅文章，例如應該點樣去應對小朋友嘅行為同埋反應， 點樣去培育佢哋先至係最好，所以做咗媽媽真係幾大轉變㗎， 諗番起以前細個嘅時候，爸爸媽媽都可能因為工作太忙好少會留意到我嘅喜好，所以我既童年係冇上過興趣班😂

或者咁樣對我嚟講都係一種自由發展，因為真係冇乜壓力㗎，但係作為新一代嘅爸爸媽媽總係好想將最好嘅嘢都帶俾小朋友， 有時去接大仔放學，經過一啲補習社同埋興趣班門口都見到有好多工人姐姐或者公公婆婆等緊小朋友，上完呢堂又準備去下一班，再望下門口貼出嚟嘅時間表。。。。。。真係非常之緊湊呀！好慶幸我同仔仔可以咁Free😂同老公傾完，原來佢公司有啲同事都係咁樣“安排”好曬仔女嘅“空餘時間”，但係其實做父母既又有冇留心去睇下到底佢哋需要嘅係乜嘢同埋嗰啲到底係大人嘅興趣定係小朋友真正嘅興趣呢？ 佢嘅潛能又會唔會因為咁樣而被埋沒呢？

今次好榮幸被美贊臣邀請我出席佢哋嘅短片發佈會

美贊臣真係好細心準備咗精美嘅茶點之餘仲安排咗兒童臨床心理專家同埋其他媽咪Blogger一齊討論下有關小朋友嘅發展同埋有關育兒方面嘅疑問添，

            

睇完段片之後真係令到我有好多感動位，眼淚水已經喺眼眶到打滾😭

尤其係睇到小主角創作既故事書，小朋友嗰一顆純真嘅心真係好令人感動😭😭😭

原來每個媽媽睇完段片之後都有唔同嘅反思同埋所見到嘅角度， 而當中大家都分享咗好多喺育兒方面同埋成長發展所遇到嘅疑問，由兒童臨床心理專家一一去拆解，為大家提供咗詳細既分析同建議,

聽完之後我開始諗返起自己係咪都畀咗好多框框畀仔仔呢？或者我哋真係好應該好似影片中嘅媽咪咁樣，俾小朋友做自己，靜心去留意同埋欣賞一下佢地嘅「魔法」同埋陪佢一齊變成「魔法師」，話唔定喺當中就會可以見到小朋友嘅真正潛能同埋佢哋無限嘅創意，而再唔係去學一堆佢父母想佢哋有「興趣」嘅嘢。

透過父母嘅陪伴，小朋友亦都會感受到父母對佢嘅愛、支持同埋關懷，變得更有自信心，成為一個充滿愛嘅人！有時同小朋友用同一個角度出發去睇嘢，或者會睇到同平時大人所見以外既事物，我深信佢哋都可以擁有自己一片嘅天空架！ 今次嘅分享會對我嚟講真係非常之有意義兼獲益良多，同埋段影片真係拍得好好呀，你都快啲嚟睇吓同感受下佢背後嘅意義啦！

https://www.facebook.com/enfinitashk/videos/1004743746324037/

#美贊臣Enfinitas #InspiredbyMoms #原生天資源自母愛
#支持孩子做自己 #原生就是與生俱來 #綻放天資 #變變魔法帽
#想像力是孩子的超能力 #創作力量同幻想會嚇你一跳