♡Cherrie 小蘭♡: 1月 2019

2019年1月31日星期四

MY ARMANI TO GO TONE-UP CUSHION～全新限量版雪紡水光氣墊精華粉底

迎接新嘅一年，化妝品自然都要換下新款啦！

最近留意到MY ARMANI TO GO TONE-UP CUSHION 出咗全新限量版雪紡水光氣墊精華粉底，將時裝元素融入粉盒設計當中，別出心裁既放射性扇形線條作為靈感，將銀色亮面圖案點綴氣質感滿分的裸粉色粉盒，將彩妝與時裝藝術完美咁結合，成為底妝界破格時尚💕

體積輕巧帶，隨時帶出街補妝都好方便 !

其實唔單只粉盒外表靚，水滴型既氣墊粉撲嘅設計都非常到位又貼心，尖頭部份輕易幫比較難照顧到既鼻翼、眼角同嘴角上好妝💕

顏色方面有亞洲人比較常用嘅#2、#3色，妝感偏向自然透亮既雪紡水光氣墊精華粉底效果都好啱我風格，因為一向我都鍾意化淡妝，所以水潤又夠薄既底妝對我來講係好重要㗎！

而呢款雪紡水光氣墊精華粉底含有大量美白因子及微柔粉末，瞬間修飾瑕疵和暗沉膚色，締造美白亮肌裸妝，多重防護因子成份可以保護肌膚，提亮膚色，由內透出光釆。

一年四季保濕都好重要！雪紡水光氣墊精華粉底含大量透明質酸，鎖住水分，24小時保濕滋潤及淡化細紋。尤其依家天氣咁乾燥，用佢就可以極速打造水潤飽滿又有光澤既裸妝啦！

更多產品資訊：
https://www.giorgioarmanibeauty.com.hk

2019年1月27日星期日

對付暗瘡？用草姬蜂膠丸就得啦！

最近天氣咁凍，所以經常都會約朋友去BBQ同埋打邊爐，感覺自己真係青春咗，因為塊面竟然有青春痘既出現😅

太耐冇用暗瘡膏，都唔知用邊隻好...上網搵吓資料，原來要根治痘痘調理身體先係皇道！講真，自從坐完月之後先發現龜苓膏、涼茶真係唔可以亂咁飲！

所以想溫和去痘，我會揀口服既蜂膠丸，所以試咗產地喺澳洲既「草姬」，鐘意佢100%天然蜂膠精華膠囊，有排毒功效，仲可以增強免疫能力，成日覺得周身攰同埋容易感冒嘅朋友仔都好啱用添！

「草姬」蜂膠丸成分有超過35種類黃酮素 (flavonoids) ，係殺菌之最重要物質，亦係是相當好的天然抗氧化物，可抵抗自由基對細胞的傷害，抗氧化能力係維生素E的五十倍、維生素C的二十倍，亦包含超過35種人體需要的營養素，如氨基酸、礦物質、有機酸等對抗衰老有一定既效果！

試咗一個月草姬既蜂膠丸，覺得青春痘嘅情況真係好轉咗，原本想爆發嘅青春痘開始慢慢凋謝🤣有暗粒嘅地方都平滑返少少，心情都跟住靚返晒！（女人面子好重要架嘛！XD)

因為佢哋佢地既蜂膠丸含有大量類黃酮素，可以防止肌膚受到細菌感染及侵害，促進血液循環，加速新陳代謝，有排清毒素既作用，加上有效為皮膚消滅細菌，減少痘痘出現同時加速傷口癒合，減低暗瘡印嘅情形。

每日2粒（於其中兩餐餐前服用一粒）就幫我輕鬆去痘排毒美肌，細細粒又容易吞而且仲有保健作用，成分天然，唔會產生抗藥性，性價比絕對贏暗瘡膏九條街啦！

2019年1月25日星期五

新升級版Kiehl’s經典特效保濕乳霜

冬日做好保濕真係好重要，想化妝嘅時候底妝自然水潤又貼服，關鍵就係面霜啦！身邊位超級忠實既Kiehl’s用家朋友一早就同我推薦過Kiehl’s既經典特效保濕乳霜好好用，今次仲推出咗新升級版，比之前更保濕、更水潤，冇理由唔試吓既！

話說呢款經典特效保濕乳霜喺2006年推出嘅時候一直穩居Kiehl’s 全球 No.1 暢銷產品，每分鐘出售10瓶！全因佢質感輕盈不油膩，可以從空氣中吸取水份整天為肌膚補水保濕令肌膚保持水潤平衡持續24小時保濕，感覺舒適。而新升級版更加突破保濕極限，用一次已經可以有效提升肌膚水份2.3倍，極端乾燥環境下都可以全面鎖緊肌膚保濕度！

經典特效保濕乳霜 $300/ 50ML, $530/ 125ML

面霜質地係白色既乳霜狀，好似牛奶布丁咁滑，非常容易推開及被皮膚吸收，令皮膚變得非常柔軟水潤，質感輕柔不黏膩！而且配方不含酒精及羥苯甲酸酯防腐劑 (Parabens)、胺甲醯胺 (Carbamides) 及三乙醇胺致敏成份，敏感膚質亦可安心使用。

同系列仲有特效保濕潔面啫喱，輕易營造豐富嘅泡沫效果，更容易進入毛孔清除面上多餘嘅油份同埋污垢同時平衡的酸鹼度，令肌膚保持自然平衡，使用之後皮膚依然保持水潤，唔會覺得繃緊。

特效保濕潔面啫喱 $95/ 75ML, $180/ 150ML

如果想加強保濕效果，可以用埋特效晚間保濕面膜，不含矽氧烷、防腐劑、香料及色素，能瞬間提升肌膚吸水及鎖水能力，持久保持滋潤保濕。

特效晚間保濕面膜 $320/ 125ML

呈現水狀啫喱嘅佢含有超微細透明質酸分子同埋麥冬萃取成分，有效鎖水保濕，用法亦非常簡單，只要晚上睡覺前於潔面及爽膚水後，然後塗上一層面膜厚敷於潔淨的肌膚上，10分鐘之後用紙巾或毛巾抹走多餘面膜，剩下少量留於面上持續為晚間滋潤肌膚，補充水份，無需沖洗。翌日起床後如常潔淨面部同進行日常護膚程序就得架啦。（一星期最多使用1-2次就夠啦）

更多產品資料：

https://bit.ly/2Vn8OSF

#MyUltraMoment

#20萬好評

#MyUltraFacialCream

#KiehlsHK

2019年1月17日星期四

懶人界嘅福音！訓喺到都可以增肌減脂？

最近有位美容界既朋友就介紹話搵到個方法可以訓喺到增肌減脂😎就係「EMSCULPT 」啦！佢係由著名英國儀器製造商最新研發既全球唯一同時強肌及溶脂既儀器，可以深入 7cm 直達肌肉層，以獨家專利的 HIFEMTM科技達到超越人類體能的「極限肌肉鍛鍊」半小時內肌肉收縮高達 20,000 次，進入同時溶脂及強化肌肉的新境界!多項醫學研究證實，躺著也能擁有人魚線、馬甲線、蜜桃臀和六塊腹肌，塑造完美身形。

講到咁神奇，於事跟咗佢去首批引進EMSCULPTTM既VITALAGE 醫美診所了解下！填好身體狀況問卷，治療師就會簡單幫我做個評估同講解返療程嘅步驟。

大家可以留意番以下嘅溫馨提示：

1）療程之前1小時要空腹

2）療程隔着衣服做，衣服以輕薄為佳

2）衣服和身體不能有金屬物品

我揀咗做最難練嘅腹肌😬療程開始嘅時候，治療師首先會用比較低既度數等我慢慢適應

感覺就好似有部強力震機狂震腹肌位，停低嘅一刻腹肌真係有好似做咗好多下捲腹嗰種酸酸痛（好神奇）之後會轉成揼骨模式去揼個腹肌位，原來呢個過程係可以排走返類似運動後嘅乳酸，所以療程嘅第二日都唔會感到肌酸痛。

其實整個療程都係交替住呢兩種感覺，只係要去到尾聲感覺會越強烈，可能我本身都有做開腹部運動所以感覺還好，歷時大概45分鐘左右啦！EMSCULPTTM 除咗增加肌肉厚度及密度，同時會燃燒肌肉附近的脂肪組織，引發大量脂肪分解，脂肪酸由三脂甘油酸中分離流出、死亡，並經由正常代謝排出體外，所以做完療程之後嘅兩個鐘最好都唔好進食同埋嚟緊嘅日子都要每日飲6-8杯水，咁樣可以令效果更加明顯架！

療程嘅第二日，腹肌位都冇乜特別大嘅感覺，完全冇平時做完腹部運動之後嘅酸痛，一個星期之後覺得腹肌位真係有少少Firm 既！算係懶人界嘅一大福音吧！