《照顧出牙寶寶必備三寶》

轉眼間細佬豬已經九個月大啦！除咗開始牙牙學語，一日把口唔停之外，仲開始出牙仔啦！諗返起哥哥BB果陣差唔多成10個半月先出牙仔，都算係比較遲😜所以細佬豬都叫做早過哥哥少少出牙啦！🤓講到BB出牙仔常見嘅情況，除咗發燒之外令到佢哋最辛苦嘅莫過於就係發牙痕同發憫憎，連野都唔想食真係令到媽媽我束手無策呀！😫周圍向媽媽朋友求救，佢哋介紹我俾仔仔試食Heinz baby牙仔餅，唔單止獨立包裝，一包仲有兩條，而且不含蛋糖同埋防腐劑！值得一試！

今朝早細佬豬又發憫憎喺度喊叫，即刻拆開試下俾細佬豬食，哥哥見到竟然話佢都要一齊食牙仔餅，仲話有兩條一人一條🤣真係令我哭笑不得😆

呢款牙仔餅形狀好啱BB手仔，而且佢嘅硬度適中，BB放落口一邊咬一邊又可以食到餅仔，而且仲可以舒緩佢哋出牙牙肉不適，真係一舉三得！牙仔餅一出細佬豬冇再扭計哭鬧，BB同媽媽既心情都靚返晒😍

講開食野，其實自從細佬豬八個月開始醞釀出牙仔已經唔係好肯食固體，無論我煮乜嘢佢都唔多賞面😫再加上而家出緊牙仔， 牙肉又紅又腫食嘢冇乜胃口，老公提議我不如煮啲有湯又易入口既俾細佬豬食，靈機一觸，我今次就用粟米、紅蘿蔔、印度椰子煲雞湯做湯底，呢個湯可以清燥熱，止咳潤肺，而且健脾開胃， 加上雞肉除咗有豐富嘅蛋白質仲可以強健身體，味道湯非常之清甜啱晒一家大細飲

拎咗少少紅蘿蔔同埋雞腿肉，再配以星星粉，又吸引到哥哥高呼：「我都要一碗呀唔該！」其實哥哥細個嘅時候都係食呢隻牌子嘅BB意粉，因為佢無添加糖、鹽， 人造色素調味料或者防腐劑，而且含有豐富嘅鐵、鈣同埋維他命B雜，快熟得黎夠晒百搭又易入口

😜爸爸出既主意梗係留俾爸爸去見證成果啦

點知。。。細佬豬竟然出奇地好鍾意食！仲有搶匙羹嘅衝動🙈真係估佢唔到😂可能啲星星粉造型真係太得意，雖然最後都發生咗啲災難性嘅畫面（最後果半碗星星粉俾細佬豬搶咗倒晒喺枱度🙀）見到佢好似玩緊但都叫做有自己抓一堆放入口食，所以都係睇開啲啦！起碼佢肯自己試吓食嘢算係個好開始既！🙈

雖然出牙仔階段嘅BB真係好鍾意乜都擺入口咬咬咬，除咗牙痕亦係因為佢哋搭入咗口腔敏感期，呢個期間嘅佢哋會特別鍾意食手或者腳，又成日會有身邊嘅玩具，而口腔敏感期係嬰兒發育既必經重要階段階段，所以唔使作出干預同阻止，只要確保BB對手仔保持乾淨，同埋經常清潔佢哋隨手攞嚟擺落口嘅玩具同牙膠就得啦！雖然坊間都有好多BB玩具清潔液標榜係無毒性，其實唔多唔少都會有化學成份，而且佢哋主要以酸性成份作清潔嘅用途，同醋好似，當然價錢就差好遠啦！不過我都係鍾情於天然安全又有效，係屋企隨時搵到嘅「白醋」，話晒都係食品級不含化學物，用嚟清潔BB嘅用品就最安全啦！呢隻Heinz 白醋設計好細心，只要加個噴嘴就可以變身做清潔劑

噴係玩具上面，等啲醋乾晒之後味道就會完全揮發架啦！

真係超級方便丫！而且仲可以用黎清潔廁所霉菌，玻璃水漬等等⋯用途都幾廣泛！真心推薦大家都勤力動起來吧！

 #Heinzbaby #亨氏磨牙棒 #BBPasta #食品級清潔劑

Xerolan 舒敏修復潤膚噴霧

由細到大仔仔都係用開BB專用嘅沖涼液沖涼，但係最近同佢去反斗車王精品展覽既時候，見到有一樽汽車造型嘅沖涼液好得意而仔仔好鍾意，於是乎就買俾佢氹下佢開心，可能小朋友皮膚真係比較柔嫩敏感嘅關係，仔仔用完支車王沖涼液沖完涼之後見到佢條頸紅晒一達達，佢仲猛咁大叫話好痕😫好彩醒起屋企有支Xerolan 舒敏修復潤膚噴霧

呢支產品係天然成份製造，不含防腐劑香料等化學成份，特別針對脆弱肌膚人仕而設計，最神奇之處係有效即時舒緩敏感不適同埋發熱發紅等症狀，就連皮膚敏感痕癢，表面燙傷同嚴重乾燥都可以用。

即刻噴左少少喺仔仔嘅頸上面，產品說明教路話唔使按摩，等佢自然滲透就會形成一層半透明保護膜係受損嘅皮膚上面從而修復肌膚，

噴完大約十幾分鐘左右，仔仔條頸真係好返晒呀！太神奇！拿拿聲影返張相，有圖有真相架！

以後有Xerolan幫我看門口，皮膚問題就冇有怕啦！Xerolan已經喺Wishh!各大分店有售啦

上面嘅圖係銅鑼灣皇室堡分店，希望今次嘅分享啱大家用啦！💕

家居房防蟎好幫手

呢排真係忙到無時停，因為工人姐姐走咗，有一個月嘅真空期要等新工人姐姐到步，屋企嘅所有家務我要自己做返晒兼且要照顧兩個小朋友，雖然真係好忙碌但係真心覺得好享受同埋開心，因為見到自己一手一腳打理嘅屋企仲乾淨整潔過有工人嘅時候，而且每日都可以稱心如意咁樣安排每一件事情唔洗再勞氣🤣！

講到家務我最喜歡就係換床單，無辦法因為我太鍾意瞓覺， 有張香噴噴嘅床都會瞓得特別甜架，當然床褥嘅清潔一啲都唔可以馬虎啦，因為有研究報告指出一間屋最多蟎蟲嘅地方就係床褥，蟎蟲靠食人體身上掉下來的皮脂皮屑同吸食人體體液(血液、淋巴液)、或其他粉末狀為生同造成皮膚炎症，所以枕頭呀、床單被套等等⋯簡直就係蟎蟲既天堂！
而室內對人體傷害最大的是塵蟎，佢係過敏性疾病的元兇，例如過敏性哮喘、過敏性鼻炎、過敏性結膜炎等等⋯⋯唔好睇少一粒咁細粒既塵蟎，佢哋既身體攜帶大量的病毒同細菌，仲可以隨灰塵同人既衣物、寵物進行流動傳播疾病，如手足口病、弓形蟲病、流行性感冒、流行性肺炎、流行性腦炎等都可能傳播添～屋企有小朋友同BB真係要做多幾重功夫去處理塵蟎問題，床單密密換是基本吧！而大仔出世前屋企已經添置Rainbow吸塵機

平時換床單我都會順便用Rainbow吸塵機既床褥拍打器清潔埋床褥既上塵蟎，呢個工具超易用又方便，令到大仔卓謙都好鐘意主動幫我手做家務～🤣

 吸乾淨之後出動埋早前喺BB展買嘅防蟎神器「Familoves梵美樂」

呢個牌子係採用英國領導市場嘅驅蟲技術，對紡織品同埋生活環境提供專業高效又安全嘅保護，使用後對嬰兒及寵物安全，有蠶豆症（G6PD)都用得架！我揀咗防蟎系列，因為佢個介紹話可以顯著減少塵蟎，引起過敏嘅微生物都可以消除埋呀！

今次實驗品係仔仔既床單😂先正常程序洗乾淨，然後用浸洗液浸大約20分鐘

之後唔使過水直接晾乾或者用乾衣機烘乾，就可以有效防蟎三個月或者返洗20次都有效！好方便呀！

至於對付難攪嘅毛公仔同埋窗簾布就可以用呢支家居防蟎噴霧，佢可以直接噴喺床褥、布藝沙發、地氈、毛公仔同埋窗簾，等2分鐘之後用濕布抹返殘餘物再於空氣中晾返乾就可以啦，同樣有效防蟎三個月！

有咗佢地幫手以後對付塵蟎就再無煩惱啦！

終於搵到我既專屬防蚊膏~英國Alfresco草本防蚊保濕露

每逢假期我都鍾意帶小朋友出去戶外玩下,呼吸下新鮮空氣🌞

 不過每次返到屋企我都發現我永遠是被蚊叮得最慘果位，因為O型血嘅人天生真係比較容易惹蚊，試過著晒長袖衫褲就被蚊叮面

最誇張就係連落樓下開信箱收信短短幾分鐘，返到屋企又發現俾蚊叮咗囉！So Sad🤣唔知大家有冇同我一樣有呢個煩惱呢!試過好多蚊怕水蚊怕貼之類，效果都係一般般而且比較笠痴痴，加上有咗小朋友之後，係選擇防蚊產品方面就更加要小心，會注意係咪嬰兒都可以用同有冇加入化學成份驅蚊胺DEET（又稱敵避或待乙妥，二戰時開始使用為防蚊液，之後多份報告研究指出DEET對人體的傷害與毒性，如果和防曬產品一起使用，體質敏感的人士容易引發過敏，嚴重可致中毒昏迷😱）

 最近聽媽媽Group有人分享話英國Alfresco草本防蚊保濕露好hit，超好用又防蚊，仲話一齊團購添！大都知我係實用型敗家，俾錢之前當然要做下資料搜集啦！😎於事我又上網了解下，原來呢支英國Alfresco草本防蚊保濕露唔單勁有效驅走蚊蟲，而且仲係由天然成份製造，蘊含天竺葵、檸檬、紫羅蘭草等純天然草本精華油，敏感性皮膚人士，孕婦同嬰兒都用得架！啱晒一向鍾意天然產品既我😍

為咗實地測試一下呢支蚊膏既威力，我帶埋佢去海洋公園同佢開光，一入園我同兩位寶貝仔都搽晒全身，點解老公冇搽？因為我識佢到而家都唔見佢有被蚊針過🙄可能佢啲血唔好味😂又或者因為每次去戶外都同我一齊，啲蚊吸我血都吸飽晒啦😜

講返正題先！呢隻蚊膏質地清爽，帶有陣陣草本香味，好天然既感覺，我最鐘意佢有細支裝可以放手袋帶出街隨時補搽，測試果日由朝玩到晚天黑出園既時候真係全日都冇俾蚊咬過呀！實驗證明呢支蚊膏堅係掂！ 仲要夠晒天然無毒性，一家大細都用得，以後出門就靠晒你啦❤️

終於搵到一支啱我又啱BB嘅防蚊膏,以後終於都唔使再俾蚊咬啦！😎

法式羅漢果月餅

時間過得真係好快，轉眼間暑假已經差唔多完啦！

日日湊住呢隻馬騮精帶佢周圍去玩，真係少啲精力都唔得😂

今日又帶埋佢出去同朋友聚會，其中一位朋友送咗一盒嘢食俾卓謙做見面禮，盒嘅包裝非常之兩完全係我嘅style，開頭仲以為糖果或者係朱古力之類，但原來係O’Tim X LE FOURNIL全港首創既法式羅漢果月餅😋

呢款月餅係由羅漢果天然果糖製成既， 糖嘅含量仲係低一般月餅嘅10倍，而且含有豐富礦物質同埋冇防腐劑，啱晒我同囝囝一齊食，就連素食兼血糖高既朋友值得一試架！ 

聽朋友講黎緊8 月 17 至 21 日灣仔會展既美食博覽會買得到呢款O’Tim X LE FOURNIL 既法式羅漢果月餅，到時仲會以優惠價發售，售賣攤位號碼係3E-D18。而首日頭 10 盒只需HK$1 便可以買到，咁抵嘅優惠，你都唔好錯過呀！💕

#低糖#含豐富礦物質 #天然羅漢果 #大人細路都食得
#法式工藝 #香港手工製造 #不含防腐劑 #健康 #食左都唔肥 #OTim #OTimsweet #全港首創法式羅漢果月餅 #全港首創  #3ED18